難得去旅行撞正洲際盃，所以特別留多晚，可以睇3場比賽。
這兩天都會在台中洲際棒球場，因為中華隊和香港隊都主要在這裡比賽。
Game 1: 中華vs韓國
第一場是中華vs韓國，比賽前在7-11 check 過，所有內野門票早已沽清，所以我早了一個小時到球場，犧牲左沒看Rangers 擊敗 Yankees 的珍貴一刻。
門票只剩外野自由座，我選了最前排，方便放相機腳架，但我還是忘記了帶手套(剛剛幫朋友買了一隻新的！)，所以沒有拿到紀念品。
(有2個homerun 落在我附近呢！)
有主場之利的中華隊，應該十分重視今次比賽，雖然我無睇開中華職棒，但單看投手的球速，已經有明顯的分野，中華隊的投手平均都有140km/hr, 而更有幾球達150, 其他我看過的球隊(包括日本，韓國)，一般都只有130左右。
由於級數有別，中華隊其實是穩勝的，韓國隊的投手完全壓不了中華隊，我記憶所及韓國隊換了5,6個投手，第一局就已經換了1個。
但韓國隊的打擊能力亦不錯，這樣比賽才不至於一面倒，而且球場氣氛十分熱鬧，球迷non-stop 的打氣聲，吹號角聲，再加上觀眾席上的人浪，總算是一場有看頭的比賽。
問題球
比賽中有一個問題球，中華隊防守，1出局，韓國隊佔1壘，擊球手打出一個游擊方向滾地球，游擊手先傳2壘局殺1個，再想傳1壘的時候，可能因為runner的關係，球最後沒有送出，但umpire竟然判了進攻防礙，變成打擊者都出局，是個雙殺。韓國隊投訴無門，中華隊球迷則歡喜若狂呢！
Game 2: 日本vs尼加拉瓜
比賽開始之前，得知在另外一個球場(斗六)，古巴大勝捷克18:0，我以為呢場比賽都應該是類似比數。
日本隊做事果然一絲不苟，賽前練習樣樣做到足，有軟體熱身，打擊練習，跑壘，防守，十分認真。相反遲遲都未見尼加拉瓜的球員熱身，原來d球員去晒觀眾席上的棒球用品攤位買東西... 即是shopping. 佢地個個都買得好開心，而我更"懷疑"有球員在比賽時立即用新買回來的防守手套添！
頭5局比賽是幾緊湊，好有追看性，雙方的投手都不太快，只有120-130, 尼加拉瓜的打擊力只屬一般，而偏偏日本的打擊者都好似"未入局"，再加上雙方的守備都很穩定，所以比數沒有如相像般的拉開。
雖然日本最後以8:0取勝，但尼加拉瓜的戰力也不差，我個人覺得尼加拉瓜的投手比韓國的還要好，防守好穩定，比巴基斯坦高一班！(找巴基斯坦作比較，因為我覺得他們的膚色及樣子都很相似！ :>)
Play of the day
日本隊防守，無出局，尼加拉瓜進佔一及二壘，尼加拉瓜好明顯想用SacBunt, 希望送runner到3壘，呢個時候日本隊的 catcher曾經兩次走入infield, "站立地"打signal, 當時我以為佢單純地想fielder in, 希望殺3壘，我只估中一半。原來佢打signal, 首先叫一壘手及三壘手衝前，扮晒接bunt, 但原來佢又叫投手 pitch out, 破壞了打擊者bunt波，之後catcher 接波後立即傳一壘(由二壘手補位)，由於runner 一心想向前搶壘，所以離壘較遠，最後估唔到佢個目標原來係一壘runner. 呢招真高呢！
想知多d 呢個比賽，可以到:
http://ibaf2010.pixnet.net/blog/category/list/692758 
