前兩日還擔心，唔知幾時先有波打，一轉身，原來公開賽乙組已經開始報名，詳情可以到棒總網頁找到。
既然比賽將近，當然要趕緊練習啦！但，可以在哪裡練習呢？
如果你同我一樣，唔練波、唔自在的話，本文章可能幫到你。
1. 參加棒總訓練班
棒總每一季都會舉辦許多地區訓練班，大人、細路都可以參加，有棒球經驗最好啦，無經驗亦可，百多銀，有10堂，有教練，有場地，仲想點！超值啦！
2. 週末守備練習 (Fielding practice)
如果你參加o左其中一個棒球屬會，就可以 book 場週末練習，場地選擇有何文田配水庫、大圍顯田、石硤尾配水庫。
如果你是自由身，有想搵人練 fielding，星期日可以去石硤尾配水庫，只要你肯主動，一般球隊都不會拒絕你的參與。
3. 打擊籠 Batting cage
到台灣、日本旅行，我自己就最喜歡去找找當地的Batting cage，當地的發球機有不同的速度選擇，可以挑戰120km/hr，甚至140km/hr，好爽！
香港都有Batting cage，在藍田晒草灣裡面，可惜的是，這個Batting cage 裡面沒有發球機，沒有棒球，甚至沒有球棒，所有gear 都要自備(記緊自備投手！)。
呢個場可以在康文署book，上網book最方便，同 book其他康文署場地一樣咁簡單。
4. 晚間傳接球練習
如果以上咁多練習都唔夠喉，你可以留意o下附近有無一d無乜人的公園，公園裡如果有排球場就最好。排球場的長度雖然沒有90'，但都不下於60'6"(投手板到本壘的距離)，而且排球場的四周通常都有鐵網包圍、一來唔駛下下拾球，二來對其他人的影響會比較少，但記緊要注意燈光是否足夠。不過，在細小的場地練習，安全更加重要，建議用Kenko球(即膠球)。
以上的推介是本人的個人喜好，比較適合成年人。
如果你是小朋友，建議你參加一個棒球屬會，練習會比較有系統。
如果你球技超卓，建議你參加香港隊的選拔，入選後，你就可以在全港唯一一個正規棒球場練習。多爽！
以上所提過的地方，你都可以在下面的 Google Map 找到。
Google Map Link: Click Here
在較大的地圖上查看香港棒球練習場地
原文發表於『棒球漫談』http://hkbaseball.blogspot.com/
